Kryetari i LDK-së, Dega Suharekë, njëherësh anëtari i kryesisë qendrore të këtij subjekti politik, Dr. Ardian Shala, tha se peticioni për vendosjen e shtatores së presidentit Rugova është dorëzuar në Asamblenë Komunale të Suharekës.
“Tani varet nga asambleistët pa dallim që të vendosin pro vullnetit dhe kërkesës qytetare. Nëse ata mendojnë dhe veprojnë të pandikuar nga kryetari aktual i Komunës ata duhet ta votojnë atë” shkruan Shala.
Ai tha se trashëgimia politike që na la presidenti historik duhet të ruhet e përcillet brez pas brezi, ajo është e vetmja garancë e shtetndertimit dhe e përparimit të vendit. /Kosovatimes/
