Të premten, Gjykata Penale Ndërkombëtare lëshoi urdhra arresti për presidentin rus Vladimir Putin dhe Maria Lvova-Belova, komisionerja e Presidentit rus për të drejtat e fëmijëve.Hungaria bllokoi deklaratën e përbashkët të vendeve anëtare të Bashkimit Evropian për lëshimin e një urdhër-arresti për presidentin rus Vladimir Putin nga Gjykata Penale Ndërkombëtare në Hagë. Për shkak të vetos së Budapestit, përfaqësuesi i lartë i BE-së për politikën e jashtme dhe të sigurisë, Josep Borrell, foli në emër të tij me një deklaratë në të cilën ai “mori shënim vendimin e Gjykatës Ndërkombëtare Penale”.
“BE e sheh vendimin e Gjykatës Ndërkombëtare Penale si fillimin e procesit të llogaridhënies dhe thirrjes së liderëve rusë për të dhënë llogari për krimet dhe mizoritë që ata urdhërojnë, mundësojnë ose kryejnë në Ukrainë”, tha Borrell në një deklaratë të botuar të dielën në mbrëmje. raporton Ukrainska Pravda .
Liderët e disa vendeve mund të këmbëngulin për formulime më të rrepta në lidhje me vendimin e Gjykatës Ndërkombëtare Penale, raporton Bloomberg duke cituar burime. Kujtojmë se të premten Gjykata Penale Ndërkombëtare lëshoi urdhër arresti për presidentin rus Vladimir Putin dhe Maria Lvova-Belova, komisionerja e Presidentit rus për të drejtat e fëmijëve.
