Policia belge qëlloi sot dhe vrau një pacient që mbante një armë të ftohtë në një klinikë psikiatrike në Bruksel, njoftoi zyra e prokurorit vendas. Sipas AP, policia u thirr pasi një 49-vjeçar filloi të sillej në mënyrë agresive në Institutin Psikiatrik Fond Roa dhe stafi i klinikës nuk mund të merrej me të.
Prokuroria njoftoi se nga gjetjet e para të hetimit rezulton se policia është dashur të thërrasë forcat pas mbërritjes së patrullës së parë në vendngjarje, për shkak të sjelljes veçanërisht të rrezikshme të personit dhe gjendjes së agjitacionit.
“Gjatë operacionit, punonjësit e policisë u detyruan të përdornin armët e shërbimit”, tha prokuroria, duke shtuar se ai është qëlluar me plumb në krah dhe në bark dhe se nga plagët e marra ka ndërruar jetë pasi është transportuar në spital. Prokuroria njoftoi se komisioni që ushtron mbikëqyrje të jashtme mbi policinë belge do të hetojë rastin.
