Kryetari i Aleancës për Ardhmërinë e Kosovës (AAK), Ramush Haradinaj, deklaroi se për dy vjet sa Kurti është në krye të qeverisë së Kosovës, ai ka qenë në ‘luftë’ me shumicën e kategorive të shoqërisë e veçmas me faktorin ndërkombëtar.
Në konferencë për media, Haradinaj foli edhe për ndalesën e zyrtarëve shtetëror të Kosovës, për të udhëtuar në Shtetet e Bashkuara të Amerikës (ShBA).
“Jemi në dy vitet e qeverisjes Kurti, që sipas meje ishte në luftë me të gjithë por që përfundoi në luftë me vetveten”, tha Haradinaj.
“Kurti fillimisht u shpalli luftë kategorisë së lirisë, punëtorëve të sektorit publik, të gjithë sipërmarrësve duke i ndalë investimet kapitale”.
Ai deklaroi se rezultat i kësaj qeverie, jo vetëm që është lodhur, por ka filluar t’i lodhë edhe aleatët e Kosovës.
“Të cilët për një vit nuk pranojnë asnjë zyrtarë të kësaj Qeverie për të udhëtuar në SHBA”, tha Haradinaj.
kryetari i AAK-së kërkoi që institucionet e Kosovës të mos bëjnë eksperimente me planin e propozuar nga evropianët.
“Situata është serioze dhe Qeveria nuk duhet të bëjë eksperimente për të implementuar planin franko-gjerman”.
“Ne e ndajmë qeverisjen Kurti, vlerësimin tonë si mashtrues”, tha Haradinaj
