Komandanti i përgjithshëm i forcave tokësore të Ukrainës, Oleksandr Sirski, tha se forcat e tij së shpejti do të nisin një kundërofensivë pasi duruan fushatën brutale të dimrit të Rusisë. Ai tha se mercenarët rusë të Wagner, të cilët kanë qenë në vijën e parë të sulmit të Moskës në Ukrainën lindore dhe jugore, “po humbasin fuqinë e konsiderueshme dhe po i mbaronë avulli”.
Ne do të përfitojmë nga kjo mundësi shumë shpejt, siç bëmë në të kaluarën pranë Kievit, Kharkiv, Balaklia dhe Kupyansk,” tha ai, duke renditur kundër-ofensivat ukrainase vitin e kaluar që rimorën pjesë të vendit.
Zyrtarët ukrainas thonë se forcat ruse kanë vazhduar të bombardojnë rajonin e Donetskut, me më shumë se 200 sulme vetëm në zonën e Bakhmut në 24 orët e fundit – por pretendojnë se rusët po humbasin qindra njerëz në ditë përgjatë vijës së frontit. Qyteti lindor i Bahmutit mbetet “pika qendrore e sulmit kryesor të armikut”, sipas Serhii Cherevatyi , një zëdhënës i Grupit Lindor të Forcave të Armatosura.
Cherevatyi tha se ishte e vështirë të thuhej nëse intensiteti i sulmeve ruse rreth Bakhmutit po zbehej për shkak të faktorëve të tillë si moti, rotacioni i njësive apo rezervat e dërguara nga rusët. Megjithatë, ai tha se taktikat ruse mbetën të njëjta me grupet e vogla taktike “duke u përpjekur të rraskapitin mbrojtjen tonë”. Ai tha se ushtarët e grupit mercenar Wagner janë afër Bahmutit dhe trupat ruse po ofrojnë përforcime aty ku është e nevojshme.
