Biznesmeni amerikan dhe bashkëthemeluesi i Intel Gordon Moore ka vdekur në moshën 94-vjeçare. Një njoftim për shtyp i kompanisë tha se Moore “vdiq më 24 mars i rrethuar nga familja në shtëpinë e tij në Hawaii”.
Moore lindi në San Francisko më 3 janar 1929. Në vitin 1957, ai bashkëthemeloi Fairchild Semiconductor, i cili krijoi qarkun e parë të integruar të përshtatshëm për prodhim masiv.
Në vitin 1968, Gordon Moore dhe Robert Noyce themeluan NM Electronics, e cila më vonë u riemërua Intel. Moore punoi për të për 38 vjet, duke mbajtur një sërë postesh të larta. Ai doli në pension në vitin 2006.
Përveç kësaj, Moore bashkëthemeloi Fondacionin Gordon and Betty Moore me gruan e tij, i cili ka dhuruar më shumë se 5.1 miliardë dollarë për kauza bamirësie që nga themelimi i tij në 2000.
Në vitin 2023, Forbes vlerësoi pasurinë neto të Moore në 7.2 miliardë dollarë.
