Ministri i Punëve të Jashtme Ivica Daçiq deklaroi se Serbia e ka lënë të hapur mundësinë që vendimi për vendosjen e sanksioneve ndaj Rusisë për shkak të sulmit ndaj Ukrainës do të ndryshohet, nëse ekonomia dhe qytetarët serbë fillojnë të pësojnë dëme të pariparueshme.
Sipas tij, përveç presionit ndaj Serbisë për shkak të mos vendosjes së sanksioneve, ka rënë edhe shkëmbimi tregtar i jashtëm ndërmjet dy vendeve, ndërsa “në disa vende perëndimore që kanë vendosur sanksione ndaj Rusisë është rritur”.
Duke komentuar deklaratat e ministrit të ekonomisë Rad Basta, anëtar i Serbisë së Bashkuar, i cili është në koalicion me Partinë Socialiste të Serbisë të Daçiqit, se Serbia duhet të vendosë sanksione ndaj Rusisë, Daçiq përsëriti se partia e tij dhe të gjithë anëtarët e qeverisë së tyre qëndrojnë prapa vendimit të Këshilli për Sigurinë Kombëtare dhe Politikën Shtetërore.
“Për sa kohë që vendimi ynë dhe politika jonë në lidhje me sanksionet janë në fuqi, ne do ta respektojmë vazhdimisht atë”, tha ai.
