Në ditën e parë të Ramazanit, mbretëresha e Jordanisë Rania tregoi një tjetër edicion të përsosur të stilit të saj. Është e vështirë të vendosësh se çfarë të shikosh në fillim – fustanin, çizmet apo çantën e dorës për të cilën vazhdojnë të flasin adhuruesit e modës.Mbretëresha Rania e Jordanisë ka festuar një iftar familjar në ditën e parë të Ramazanit me bashkëshortin e saj, Mbretin Abdullah. Iftari është vakti i parë që hahet pas perëndimit të diellit gjatë muajit të shenjtë islam.
Mbretëresha 52-vjeçare e Jordanisë ka postuar disa foto në Instagram dhe ka shkruar: “Jam mirënjohëse që ndaj iftarit në ditën e parë të muajit të shenjtë me njerëzit që dua. Nga iftari i sotëm familjar.
https://www.instagram.com/p/CqJNLlSMOIC/
Stiluese, e pagabueshme si gjithmonë, Rania e kompletoi me një çantë që tregonte se sa shumë e do vendin e saj, Jordaninë. Pikërisht, Rania shtoi koleksionin e saj të lakmueshëm të çantave me një shembull tjetër të bukur. Këtë herë, zgjedhja ra në një çantë të re nga marka Joudesign, e cila është me bazë në Jordan
Rania zgjodhi një model të quajtur “Gun Triangle” dhe është zbukuruar me një lule irisi të vizatuar me dorë që përmban një kuptim të fshehur. Domethënë, irisi është lulja kombëtare e Jordanisë, ndaj zgjedhja e modës së mbretëreshës ka vërtet një domethënie të madhe.
https://www.instagram.com/p/CqK_E6WPL3Y/
Në përshkrimin e çantës, vetë marka shprehet: “Frymëzuar nga pasioni për artin, modën dhe gëzimin, çdo dizajn është një vepër arti që mund të mbahet dhe vishet kudo. Këto vepra arti janë projektuar dhe pikturuar nga Joudesign, dhe me krenari gdhendur nga një artizan vendas”.
Përveç çantës së dorës, shumë i denjë për vëmendje ishte edhe pjesa tjetër e stilimit të Ranias. Fustani i zi i zbukuruar me theke blu në mëngët dhe skajet e fundit dhe një brez dantelle në bel dhe rreth qafës ishte mishërimi i elegancës, minimalizmit dhe sofistikimit. Ajo e kompletoi look-un me çizme të larta të zeza me takë të hollë, të dizajnuara nga marka luksoze britanike Jennifer Chamandi.
