Ministri i Mbrojtjes, Millosh Vuçeviq, tha sot se ajo që po ndodh në Kosovë është rreziku më i madh i sigurisë së Serbisë dhe se duhet të jemi të qetë, të guximshëm dhe të mençur.
Vuçeviq tha për TV Prva se Serbia do të jetë nën presion edhe më të madh për shkak të luftës në Ukrainë, e cila, siç tha ai, po kthehet në një luftë të gjatë pozicionale, me viktima dhe shkatërrime të mëdha.
“Ajo që hapën, e kam fjalën për Perëndimin, në vitin 1999 dhe në vitin 2008 me Kosovën, është kuti e pandorës dhe nuk e dini se si do të përdoret, dikujt i shkon për shtat, dikujt jo, varësisht nga situata. Prandaj presioni ndaj Serbisë është që ta zgjidhë nyjën Kosovë-Metohi dhe ta zgjidhë, sipas tyre, njëherë e përgjithmonë”, ka thënë Vuçeviq, duke thënë se Serbisë po i kërkohet të heqë dorë nga një pjesë e territorit të saj.
