Kryetari i Kuvendit të Kosovës, Glauk Konjufca gjatë qëndrimit në Shtetet e Bashkuara të Amerikës është takuar me kongresistin Ritchie Torres. Gjatë këtij takimi të ngrohtë, siç thotë Konjufca, është diskutuar për bashkëpunimin e ngushtë Kosovë – SHBA, zhvillimet politike dhe mbështetjen amerikane për proceset euroatlantike të Republikës së Kosovës.
“Përherë kënaqësi ta takoj mikun e madh të Kosovës e shqiptarëve, kongresistin Ritchie Torres. Siç ka thënë edhe Torres, SHBA-ja nuk ka mik më të mirë se Kosovën dhe Kosova nuk mund të ketë mik më të mirë në botë se SHBA-në’, shkruan Konjufca në rrjetin social Facebok .
Kryeparlamentari kosovar thotë se ndihet mirënjohës për përkrahjen e vazhdueshme të Kongresistit Torres ndaj Republikës së Kosovës dhe përkushtimin e tij në forcimin e miqësisë dhe thellimin e marrëdhënieve dypalëshe me Shtetet e Bashkuara të Amerikës.
