Sipas indeksit të zhvilluar nga Universiteti Amerikan i Notre Dame, Serbia renditet e 92-ta në botë për sa i përket cenueshmërisë ndaj ndryshimeve klimatike dhe është vendi më i cenueshëm në Evropë.
Ky indeks përfshin një seri të tërë treguesish, që nga përqendrimi i popullsisë urbane dhe gatishmëria për fatkeqësi natyrore e deri te disponueshmëria e kapaciteteve ujore dhe bujqësore, shkruan portali Klima101.
Në të njëjtën kohë, Serbia ndodhet në një territor që quhet “pika e nxehtë” e ndryshimeve klimatike: rritja e temperaturës mesatare atje është më e lartë se mesatarja botërore, dhe incidenca e ngjarjeve ekstreme si thatësira dhe reshjet intensive janë gjithashtu më të larta.
Megjithatë, as Kroacia nuk shkon shumë më mirë – ajo është në vendin e 64-të në këtë listë. Nga vendet e rajonit, më e mira është Sllovenia, e cila është në vendin e 18-të. Sipas kësaj liste, Zvicra është më pak e cenueshme, e ndjekur nga Norvegjia dhe Austria.
Në grupin e vendeve të Ballkanit Perëndimor (i cili përfshin gjithashtu Malin e Zi, Maqedoninë e Veriut, Shqipërinë dhe Bosnje-Hercegovinën), Serbia ishte sërish bindshëm e fundit që paraqiti NDC-në e saj – e njëjta që rrjedh nga Strategjia e pamiratuar, ndërkohë e vjetëruar.
