Katër persona, përfshirë një turist të huaj, humbën jetën në tre ortekë në veriun e Norvegjisë, tha policia lokale.
Pesë anëtarë të një grupi turistësh të huaj u kapën në një ortek pranë Kavringtinden, një majë në veriun e largët të vendit, dhe “njëri prej tyre vdiq”, tha Morten Pettersen nga policia në Troms në një konferencë për shtyp.Dy persona të tjerë humbën jetën pak më vonë, kur një tjetër ortek goditi një shtëpi dhe hambar në ishullin Reinoyji, tha ai.
Policia po punon për identifikimin e turistit të huaj, shtoi ai. Një person i katërt vdiq në ortekun e tretë, i cili goditi rajonin e Nordreisa.
“Personi i vdekur ka qenë në grup udhëtarësh të huaj”, ka njoftuar policia, por as në atë rast nuk ka specifikuar kombësinë.
