Kryeministri Edi Rama përcolli sot pamje nga marshimi për Drejtësi që mbahet në Prishtinë ku mijëra qytetarë nga të gjitha rajonet solidarizohen në mbështetje të luftës së Ushtrisë Çlirimtare të Kosovës.
“Me marshin e Drejtësisë”, shkroi Rama në rrjetet sociale krah fotove që tregojnë pjesëmarrje masive të qytetarëve si dhe pankartat e shumta në mbështetje të ish-luftëtarëve.
Ish-krerët e UÇK-së, Hashim Thaçi, Kadri Veseli, Rexhep Selimi e Jakup Krasniqi po akuzohen me pretendimin për krime lufte dhe të njëjtit po qëndrojnë në paraburgim prej nëntorit të vitit 2020.
Dhomat e Specializuara të Kosovës njoftuan se gjykimi ndaj tyre do të nisë nesër.
