Ambasadori i ShBA-së në Kosovë, Jeffrey Hovenier, ka uruar 8 Prillin – Ditën Ndërkombëtare të Romëve. Ambasadori amerikan nëpërmjet një postimi në “Twitter” ka thënë se këtë ditë ‘ne e festojmë trashëgiminë e pasur të komunitetit rom, duke pranuar sfidat dhe diskriminimin me të cilin ata vazhdojnë të përballen’.
“Mbetet për t’u bërë më shumë për të siguruar që romët e Kosovës të kenë qasje të barabartë në arsim, punësim dhe shërbime qeveritare”, ka shkruar Hovenier.
Komuniteti rom në Kosovë mbetet ndër komunitetet më të margjinalizuara, me nivel të ulët të arsimimit, shkallë të lartë të papunësisë dhe mungesë të kushteve adekuate për strehim dhe varfëri të skajshme. /Kosovatimes/
