Nga Ymer Hysa.
Konferenca Kombëtare e Industrisë së Bimëve Mjekēsore dhe Aromatike të Shqipërisë e zhvilluar sot në sallën e eventeve te Xibraku në Tiranë do të bashkonte përfaqësues të shoqatave të biznesit nga Shqipëria, Kosova e Maqedonia si dhe anëtarë të IBMA-AMAP nga e gjithë Shqipëria
Kjo sipërmarrje e fuqishme që punëson mbi 70 mijë punëtorë të përhershëm e sezonalë nga të gjitha moshat, që siguron mbi 50 miljon Euro të ardhura nga eksportet, që mbulon mbi 7 mijë ha tokë me bimë medicinale dhe aromatike të kultivuara, në konferencën e saj të sotme do të kishte të pranishëm edhe Kryeministrin e Shqipërisë Z. Edi Rama, Ministren e Bujqësisë dhe Zhvillimit Rural Znj. Frida Krifca, Ministren e Shtetit për Sipërmarrjen Znj. Edona Bilali, të cilët në fjalën e tyre përgëzuan sipërmarrësit për arritjen si dhe shprehen mbështetjen e qeverisë për këtë sipërmarrje të fuqishme. Të pranishëm ishin edhe deputetë, kryetarë bashkishë dhe ambasadorë.
“Qëllimi kryesor i kësaj konference do të shprehej në fjalën e tij Presidenti i kësaj shoqate z. Filip Gjoka ështê cilësia e produktit dhe ajo çfarë ne mund të bëjmē pēr të përmirësuar produktin”
Në konferencë diskutuan drejtues të këtij biznesi, specialistë dhe ekspertë, ku sejcili sipas këndveshtrimit të tij solli përvojë dhe sygjerime për ecurinë e këtij biznesi.
Bimët medicinale dhe aromatike falë kushteve klimateriko tokësore në trojet shqiptare natyra i ka falur me shumicë. Mjafton dëshira e njerëzve për ti mbledhur, e bizneseve për ti grumbulluar dhe përpunuar dhe të ardhurat prej tyre do të jenë të kënaqëshme.
Urime Shoqata IBMA, fryma e bashkēunimit mes jush me slloganin “Të gjithë sëbashku pēr njē industri të konsoliduar” dhe kjo konferencë vërtetoi sot, se ju jeni një zë i fuqishëm në mbrojtjen e anëtarësisë.
