Princi Harry do të marrë pjesë në kurorëzimin e mbretit Charles muajin e ardhshëm, tha Buckingham Palace në një deklaratë të mërkurën.
Bashkëshortja e tij Meghan do të qëndrojë në ShBA me fëmijët e çiftit, shtoi pallati.
“Buckingham Palace ka kënaqësinë të konfirmojë se Duka i Sussex-it do të marrë pjesë në Shërbimin e Kurorëzimit në Westminster Abbey më 6 maj. Dukesha e Sussex do të qëndrojë në Kaliforni me princin Archie dhe princeshën Lilibet”, thuhet në deklaratën e pallatit.
