“Si do t’ia shpjegojë këtë Vuçiç Putinit”: Mediat rajonale për lajmin se Serbia furnizonte me armë Ukrainën

Serbia, i vetmi vend evropian që refuzoi të vendosë sanksione ndaj Rusisë për pushtimin e saj në Ukrainë, ka rënë dakord të furnizojë Kievin me armë ose tashmë ka dërguar armë, sipas një dokumenti konfidencial të Pentagonit, shkruan Reuters.

Reuters nuk mundi të verifikonte në mënyrë të pavarur autenticitetin e dokumentit, por kjo është arsyeja pse Ministri i Mbrojtjes Millosh Vuçeviç i mohoi menjëherë akuzat e agjencisë. Këtë temë e kanë trajtuar edhe mediat rajonale. Indeksi kroat raportoi gjetjet e Reuters.Me titull “Evropa – Përgjigja ndaj konfliktit të vazhdueshëm midis Rusisë dhe Ukrainës”, dokumenti në formën e një grafiku rendit “pozicionet e vlerësuara” të 38 qeverive evropiane në përgjigje të kërkesave të Ukrainës për ndihmë ushtarake. Tabela tregon se Serbia ka refuzuar të ofrojë trajnime për forcat ukrainase, por është zotuar të dërgojë “ndihma vdekjeprurëse” ose e ka dorëzuar tashmë atë. Gjithashtu, thuhet se Serbia ka vullnetin politik dhe aftësinë ushtarake për të furnizuar Ukrainën me armë në të ardhmen”, raporton ndër të tjera Index.

“Sloboda” e Sarajevës ” pyet se si Vuçiç do t’i shpjegojë Putinit informacionin e fundit se Serbia po i dorëzon apo i ka dorëzuar tashmë armët Ukrainës.

“Dokumenti është shënuar me SECRET dhe NOFORN, i cili ndalon shpërndarjen e tij tek shërbimet e huaja të inteligjencës dhe ushtria. Ai mban datën 2 mars dhe vuloset me vulën e zyrës së Shefit të Shtabit të Përbashkët”, thekson ndër të tjera Oslobođenje.

Portali  Klix shkruan se “dokumentet sekrete amerikane zbulojnë se Serbia ka pranuar të armatosë Ukrainën”.

Ata shtojnë se Serbia dërgoi raketa në Ukrainë.

“Qeveria e Vuçiqit shprehu neutralitet në luftën në Ukrainë, pavarësisht lidhjeve të thella historike, ekonomike dhe kulturore të vendit me Rusinë”, shkruan Klix.ba.

Slobodna Bosna shkruan se “Vuçiq është në telashe të mëdha” për shkak të dokumenteve sekrete të Pentagonit.

“Edhe pse dokumenti nuk është verifikuar, nuk ka dyshim se Moska zyrtare do të reagojë ndaj akuzave të tilla”, thotë Slobodna Bosna.

Vijesti nga Podgorica raporton gjithashtu gjetjet e Reuters.

Ata gjithashtu shtojnë se ministri i Mbrojtjes Millosh Vuçeviq i tha agjencisë Tanjug se “Serbia nuk i ka shitur dhe as nuk do t’i shesë armë palës ukrainase apo ruse dhe as vendeve që e rrethojnë atë konflikt”.