Policia e Kosovës ka bërë të ditur se ka arrestuar në Obiliq një burrë të dyshuar për ngacmim seksual ndaj një burri tjetër.
Rasti ka ndodhur dje, ndërkohë që për arrestimin e të dyshuarit është njoftuar sot në raportin ditor policor.
“Lidhur me rastin, është identifikuar dhe arrestuar i dyshuari mashkull kosovar dhe me vendim të prokurorit i njëjti është dërguar në mbajtje”, deklaron PK.
Rastin në Polici e ka raportuar viktima, teksa ka thënë se i dyshuari e ka ngacmuar seksualisht dhe përmes rrjeteve sociale i ka shkruar mesazhe me përmbajtje erotike.
