Policia dhe Prokuroria Themelore në Ferizaj, ka marrë të gjitha veprimet e nevojshme dhe kishte nisur hetimet për disa vjedhje dhe tentim vjedhje që kanë ndodhur në Ferizaj.
Policët hetues kanë arritur që të sigurojnë prova të mjaftueshme dhe të identifikojnë të dyshuarin M.E, i moshës 21 vjeçare, e më pas ta arrestojnë di të dyshuar për kryerjen e disa vjedhjeve dhe tentim vjedhjesh në Ferizaj.
Ai me datë 4 prill në rrugën ‘’ Isa Boletini’’ dyshohet se ka vjedhur një veturë pikap, gjithahstu me datën 4 prill në rrugën ‘’Rexhep Bislimi’’ është vjedhur një veturë e tipit Passat, me datën 11 prill në rrugën ‘’Daut Dauti’’ është vjedhur një kamionetë e tipit Mercedes, me datën 11 prill në rrugën ‘’Rexhep Bislimi’’ është tentuar të vjedhet në një shtëpi banimi, e me datën 11 prill në rrugën ‘’Riza Goga’’është tentuar të vjedhet në një shtëpi banimi dhe të vjedhet një veturë.
I dyshuari M.E është shoqëruar në stacionin e policisë në Ferizaj dhe pas intervistimit të tij nga policët hetues, në prani edhe të avokatit mbrojtës, me vendim të prokurorit të rastit është ndaluar në mbajtje për 48 orë.
Automjetet e vjedhura pas përfundimit të procedurave u janë kthyer pronarëve.
