Edhe dita e dytë e dëshmisë së dëshmitarit të dytë në rastin ndaj ish-krerëve të Ushtrisë Çlirimtare të Kosovës ka nisur me seancë të mbyllur. Me të nisur seanca, Prokuroria ka kërkuar që të mbyllet seanca gjatë marrjes në pyetje të dëshmitarit.
Sot në Dhomat e Specializuara të Kosovës në Hagë vazhdon dita e dytë e kësaj jave në rastin gjyqësor “Thaçi dhe të tjerët. Në këtë javë do të jenë katër seanca.
Ndryshe dje në Dhomat e Specializuara ka përfunduar dëshminë e saj, dëshmitarja e parë, ndërsa trupi gjykues ka pranuar mocionin e mbrojtjes së Rexhep Selimit, për mospranim si prova, disa pjesë të dëshmisë së saj.Ndërkohë ka filluar dëgjimi i dëshmitarit të dytë, po ashtu i mbrojtur, i cili ka thënë se është anëtar i LDK-së dhe ka thënë se ka qenë prezent në daljen e parë publike të UÇK-së. Ai, po ashtu ka thënë se Drejtoria Politike e UÇK-së në Malishevë, kishte ushtruar presion që LDK ta pushojë aktivitetin e saj.
