Bjellorusi arrestohet në SHBA për anashkalimin e sanksioneve anti-ruse për 150 milionë dollarë

Një shtetas i Bjellorusisë, Sergei Karpushkin, është arrestuar në Shtetet e Bashkuara. Ai akuzohet për anashkalimin e sanksioneve të vendosura ndaj biznesmenit rus Sergei Kurchenko. Lajmi bëhet i ditur nga Departamenti Amerikan i Drejtësisë. Karpushkin përballet me 20 vjet burg.

Sipas Ministrisë së Drejtësisë, Karpushkin dhe bashkëpunëtori i tij, një banor i Floridës, John Unsalan, gjatë tre viteve, duke anashkaluar sanksionet e SHBA-së, blenë materiale për shkrirjen e çelikut me vlerë 150 milionë dollarë për dy kompani “të lidhura me Kurchenko”.

Sergey Karpushkin, 46 vjeç, i cili jeton në Miami, u arrestua më 17 prill.

John Unsalan, i cili u arrestua më 14 prill, u akuzua për komplot për t’iu shmangur sanksioneve amerikane dhe komplot për pastrimin e parave.

Sergey Kurchenko është një shtetas i Ukrainës. Pas Euromaidan, ai u transferua në Bjellorusi, dhe më pas në Moskë, ku mori nënshtetësinë ruse. Nën presidentin Viktor Janukoviç, ai ishte një nga njerëzit më të pasur në Ukrainë dhe konsiderohej si një nga tregtarët më të mëdhenj të hidrokarbureve në vend. Kurchenko u sanksionua nga Shtetet e Bashkuara në vitin 2015 për rolin e tij në shpërdorimin e aseteve shtetërore të Ukrainës, sipas aktakuzës. Sanksione kundër tij u vendosën edhe në Bashkimin Evropian, Britaninë e Madhe, Ukrainë dhe Zvicër.