Mbrëmë nga zyrtarët policor të Njësitit për Reagim të Shpejtë dhe të stacionit Veriu në Prishtinë, në dy raste të ndara, janë shoqëruar dy persona të dyshuar, njëri nga ta i mitur dhe janë sekuestruar tri armë zjarri.
Policia e Kosovës ka njoftuar se sekuestrimi i armëve është kryer në dy lokacione të ndryshme.
Personat e dyshuar janë shoqëruar në stacion policor dhe ndaj tyre janë iniciuar raste “për mbajtje në pronësi, kontroll ose posedim të pa autorizuar të armëve”.
Në konsultim me prokurorin e shtetit, personat e dyshuar janë dërguar në qendrën e mbajtjes.
