Është një masë ideale për uljen e rrezikut të sëmundjeve dhe vdekjes së parakohshme, por shpejtësia e ecjes mund të jetë po aq e rëndësishme, sipas këtij studimi!
Vitet e fundit, besohet se dhjetë mijë hapa në ditë janë të nevojshme për një jetë më të gjatë. Megjithatë, studimi i fundit tregoi rezultate të ndryshme që mund t’ju habisin.
Siç raporton “The Sun”, hulumtimet kanë treguar se ecja e vetëm 8000 hapave në ditë tri herë në javë mund të zvogëlojë rrezikun e vdekjes nga sëmundjet e zemrës. Kjo sasi ushtrimesh ishte e mjaftueshme për të reduktuar ndjeshëm rrezikun tek njerëzit që morën pjesë në studim, zbuluan shkencëtarët japonezë.
Studiuesit gjurmuan numrin e hapave të ndërmarrë nga 3,330 të rritur amerikanë për një javë për të parë se si ndikon në shëndetin e tyre afatgjatë. Ata që arritën një objektiv prej 8,000 hapash në ditë në tre ose më shumë ditë, kishin 16 për qind më pak gjasa të vdisnin nga sëmundjet e zemrës deri në vitin 2019.
Dr Kosuke Inoue, nga Universiteti i Kiotos në Japoni, tha: “Individët mund të kenë përfitime të rëndësishme shëndetësore duke ecur vetëm disa ditë në javë”.
Studiuesit zbuluan gjithashtu se ata që ecnin 8000 hapa ose më shumë një ose dy ditë në javë kishin 14.9 për qind më pak gjasa të vdisnin gjatë një periudhe 10-vjeçare sesa ata që nuk e arritën kurrë atë pikë.
