Në një nga amendamentet e raportit të Parlamentit Evropian për progresin e Serbisë, në të cilin Nova kishte qasje, përmendet Aleksandar Vulin. Dokumenti shpreh shqetësimin për emërimin e tij si drejtor i BIA-s, ku thuhet se ai njihet për retorikën e tij anti-BE dhe pro-ruse dhe se në të kaluarën ka ndarë me autoritetet ruse informacione për takimet e opozitës ruse në ekzil.
Portali nga Beogradi veri ne dukje nje nga amandamentet në raportin e progresit të Parlamentit Evropian për Serbinë, i cili u përgatit nga Vladimir Bilčik. Në to, siç pritej, vëmendjen e tërheqin raporti mes Serbisë dhe Federatës Ruse, ndërsa një pjesë i kushtohet punës së Aleksandar Vulin, ish-ministër i Policisë dhe drejtor aktual i BIA-s.
Një nga amendamentet shpreh keqardhje të thellë për faktin se disa komponentë kyç të politikës së jashtme serbe janë në kundërshtim të drejtpërdrejtë me qëndrimet e BE-së. Në këtë kuadër, bie në sy nënshkrimi i një marrëveshjeje për krijimin e një plani të përbashkët konsultimi ndërmjet Ministrive të Punëve të Jashtme të Serbisë dhe Rusisë, si dhe takimet me zyrtarë të lartë nga Rusia, të cilët janë në listën e sanksioneve të BE-së.
Parlamenti Evropian është gjithashtu i shqetësuar për emërimin e Aleksandar Vulin si drejtor i Agjencisë së Informacionit të Sigurisë.
“Aleksandar Vulin është i njohur për retorikën e tij kundër BE-së dhe pro-Kremlinit dhe në të kaluarën ka ndarë informacione me autoritetet ruse për takimet e opozitës ruse në ekzil. (PE) shpreh shqetësimin për akuzat për përgjimin e anëtarëve të opozitës ruse në Beograd nga autoritetet serbe”, thuhet ndër të tjera në një nga amendamentet.
Gjithashtu theksohet se çdo bashkëpunim që kontribuon në praktikat autoritare dhe antidemokratike në Rusi apo Serbi do të ishte i dëmshëm për të ardhmen e marrëdhënieve BE-Serbi, si dhe për besimin e ndërsjellë ndërmjet Serbisë dhe BE-së dhe përkushtimin e vërtetë të Serbisë për integrimin në BE. “janë thelbësore në kontekstin e agresionit aktual rus ndaj Ukrainës”.
Gjithashtu, ky amendament u bën thirrje autoriteteve serbe që të ofrojnë “më shumë transparencë në lidhje me rolin dhe aktivitetet e të ashtuquajturës Qendër Humanitare Ruso-Serbe në Nish (AM 148) dhe të ndërpresin menjëherë çdo bashkëpunim, veçanërisht ushtarak, me Rusinë”.
“(PE) shpreh keqardhje për angazhimin e Serbisë me regjimin autoritar në Iran dhe pritjen e përfaqësuesve të saj të lartë në Beograd në të njëjtën kohë kur regjimi iranian po shtyp brutalisht protestat masive të qytetarëve të saj. (PE) i bën thirrje Serbisë që të distancohet në mënyrë të besueshme nga regjimet antidemokratike”, thuhet ndër të tjera në tekstin e amendamentit.
Ndryshimet në raportin e Parlamentit Evropian për Serbinë duhet të jenë në agjendën e Komisionit për Politikë të Jashtme të PE më 26 prill, ndërsa votimi për raportin në plenum duhet të mbahet në maj.
