Ministri për Komunitete dhe Kthim, Nenad Rashiq ka thënë se ndaj qytetarëve serbë në veri të vendit po ushtrohet presion i madh. Pas mbledhjes së qeverisë, në adresimin pra mediave derisa foli për bojkotin e zgjedhjeve në veri nga ana e qytetarëve serbë, ai tha se këta të fundit po përdoren nga Serbia.
“Kjo që ka ndodhur në fundjavë është një sfidë. Është një planifikim ose një vazhdimësi e keqpërdorimit të qytetarëve serbë nga një regjim autokratë që i përdorë serbët për arritjen e qëllimeve të veta dhe nuk e kuptoj se çfarë po përpiqen të bëjnë.
Marrëveshja e Ohrit ka qenë një bazë shumë e mirë për të vazhduar pajtimin. Qytetarët serbë më së shumti do të humbin nëse nuk e zbatojnë një marrëveshje të tillë.
Unë shumë shpesh po bisedojë me përfaqësues në veri. Ende u mungon një guxim personal që të vazhdojnë një hap përpara drejtë zhvillimit. Por duhet të kuptojmë që në atë pjesë presioni është maksimal”, ka shtuar ai.
Kurti: Kosova i përket Evropës si union, jemi në rrugën e duhur
Kryeministri i Kosovës, Albin Kurti ka thënë se vendimi për liberalizimin e vizave për Kosovën dhe pranimi i aplikimit për anëtarësim në Këshill të Evropës konfirmojnë se vendi është në rrugën e duhur, raporton rtklive.
Me këtë rast, Kurti beson që Kosova do të kontribuojë si anëtarë me të drejta te barabarta në KiE.
“Nga 1 janari qytetarët do të mund të udhëtojnë pa viza. Pasaporta jonë do të jetë më e fuqishme. Këtë javë u morë një vendim tejet i rëndësishëm. Te hënën komiteti i ministrave me mbi 2/3 e votave votoi për pranimin e aplikimit të Kosovës për anëtarësim. Rezultatet gjithnjë e më te mira sa i përket tri vlerave fundamentale kanë ndikuar shumë në këtë arritje. Këto vendime të rëndësishme konfirmojnë rrugën tonë evropiane se jemi në rrugën e duhur, konfirmojnë se Kosova i përket Evropës si union, si vlerë”, ka shtuar ai.
Këto deklarata i pari i ekzekutivit i bëri gjatë mbledhjes së Qeverisë së Kosovës ku u miratuan disa projektligje që kanë të bëjnë me tejkalimin e krizës energjetike e masës së efiçiencës së energjisë.
