Pjesetari i i Gardës Kombëtare Ajrore të SHBA, Jack Teixeira, i akuzuar për rrjedhje të dokumenteve të klasifikuara ushtarake, bëri kërcënime të dhunshme, përdori kompjuterin e tij zyrtar për të hetuar të shtënat masive dhe u përpoq të shkatërronte provat e keqbërjes së tij, thanë prokurorët federalë të SHBA.
Në një dosje prej 48 faqesh, Departamenti Amerikan i Drejtësisë tha se Teixeira, 21 vjeç, duhet të mbahet në pritje të gjyqit sepse ai është një rrezik fluturimi.
Prokurorët do të paraqesin sot argumentet e tyre për mbajtjen e Teixeira në paraburgim përpara një gjykatësi të magjistraturës amerikane në Worcester, Massachusetts, raportoi Reuters.
Gjatë një kontrolli në shtëpinë e Teixeira-s, Byroja Federale e Hetimit (FBI) gjeti një kompjuter tablet dhe laptop të shtypur në një kosh plehrash.
Përveç kësaj, prokurorët thanë se zbuluan se Teixeira udhëzoi përdoruesit e tjerë në internet që të “fshinin të gjitha mesazhet”.Teixeira u akuzua në fillim të këtij muaji për shkelje të ligjit të spiunazhit në lidhje me kopjimin dhe transferimin e paautorizuar të materialeve të ndjeshme mbrojtëse, si dhe heqjen e paligjshme të materialit mbrojtës në një vend të paautorizuar.
Nëse shpallet fajtor, prokurorët thanë se ai mund të përballet me 25 vjet burg.
Dokumentet e zbuluara përfaqësojnë shkeljen më të rëndë të sigurisë së SHBA-së që kur më shumë se 700,000 dokumente, video dhe kabllograme diplomatike u shfaqën në WikiLeaks në vitin 2010.
Pentagoni e quajti rrjedhjen e dokumenteve të klasifikuara një “veprim të qëllimshëm, kriminal”.
Prokurorët thanë në një memo paraburgimi se Teixeira filloi të aksesonte qindra dokumente të klasifikuara që nuk kishin lidhje me punën e tij në shkurt 2022 dhe filloi të postonte disa nga informacionet e klasifikuara në mediat sociale në fund të 2022.
Dokumentet e klasifikuara ofronin një gamë të gjerë informacionesh të klasifikuara për aleatët dhe kundërshtarët e SHBA-së, me detaje që varionin nga mbrojtja ajrore e Ukrainës deri te Mossad i Izraelit.
