Antwerp, ku luan edhe kosovari, Arbnor Muja, e ka fituar Kupën e Belgjikës.
Pas triumfit në finale, i lumtur u shpreh edhe Muja i cili festoi me flamurin e Kosovës.
Skuadra e udhëhequr nga legjenda holandeze, Mark van Bommel, e mposhti në finale Mechelen, me rezultat 2:0.
Golat i realizuan nga penalltia Vincent Janssen në minutën e 35-të dhe Michel-Ange Balikwisha, në minutën e 81-të.
Futbollisti nga Kosova ishte titullar dhe luajti në krejt ndeshjen.
Arbnor Muja, po kalon një sezon goxha të suksesshëm në Belgjikë.
Muja po ashtu ka bërë asistime dhe ka shënuar edhe disa gola.
