Shërbimi Federal i Sigurisë Ruse (FSB) ka deklasifikuar disa dokumente nga dosja e hetimit të Hans Baur , pilotit personal të Adolf Hitlerit dhe komandantit të Skuadronit Fuhrer , i cili dëshmoi për ditët e fundit të sundimit nazist.
Në dëshminë e tij, Baur shprehet se në janar 1945, ai u ftua nga Mynihu në Berlin për të parë Hitlerin , i cili u bë “madje më i mërzitur dhe i tërhequr”.
Ai shtoi se disa avionë ishin në gatishmëri, në rast se Hitleri vendos të largohej nga Berlini. Më parë, aeroplanët e “Skuadronit të Fyhrer” ishin vendosur në gjashtë aeroporte të Berlinit dhe rruga pranë Portës së Brandenburgut u kthye në një pistë.
– Çdo natë, katër deri në pesë avionë me letra, bagazhe dhe pasagjerë niseshin nga Berlini për në Bertesgaden – tha Baur.
Ai tha se Hitlerin e kishte parë për herë të fundit në ditën e vetëvrasjes së tij, më 30 prill 1945. Sipas tij, Hitleri e ftoi në dhomën e tij dhe i dhuroi një portret Rembrandt të perandorit Frederiku i Madh që ishte varur në mur.
Baur u përpoq të arratisej nga Berlini, por më 2 maj 1945, ai u plagos dhe u kap nga Ushtria e Kuqe. Ai kaloi dhjetë vjet në burg në Bashkimin Sovjetik, përpara se të ekstradohej në Francë në tetor 1955, ku u burgos për dy vitet e ardhshme.
Ai vdiq në moshën 96-vjeçare në vitin 1993 në Hersching të Bavarisë.
