Grabitësit e armatosur grabitën dyqanin e bizhuterive luksoze Bulgari në qendër të Parisit në mes të ditës të shtunën, tha policia franceze.
Sipas informacioneve fillestare, tre grabitës me dy motoçikleta janë shfaqur para argjendarisë rreth orës 13:45, tha një burim policor. Dy prej tyre mbanin armë me tyta të gjata dhe goditën rojen e sigurisë.
Dëmi llogaritet në disa milionë euro. Pamjet e publikuara në rrjetet sociale tregojnë dy motoçikleta të mëdha të zeza të parkuara në trotuarin përballë argjendarisë.Një burrë me të zeza, me përkrenare dhe të armatosur, qëndronte roje. Më pas të tre arratisen me motoçikleta.
Argjendaria Bulgari ishte tashmë shënjestër e një grabitjeje të armatosur në shtator 2021 dhe më pas dëmi u vlerësua në 10 milionë euro.
Më pas policia ka plagosur në këmbë një nga tre grabitësit dhe e ka arrestuar. Ai u akuzua dhe u vendos në paraburgim.
Në qershor 2022, dy të tjerët u kapën dhe u akuzuan. Ata janë edhe në paraburgim derisa janë në pritje të vendimit.
