Pas takimit mes presidentit serb Aleksandar Vuçiq dhe kryeministrit të Kosovës Aljbin Kurti në Bruksel, mediat rajonale e injoruan të parën duke raportuar qëndrimet e këtij të fundit.
Kurti, siç raporton Klix, thotë se nenet e përfshira në draft duhet të jenë në përputhje me Kushtetutën e Kosovës dhe vendimin shoqërues të Gjykatës Kushtetuese të vitit 2015.
“Unë jam kryeministër i të gjithë qytetarëve të Kosovës, pa dallim kombësie, feje apo prejardhjeje. Pra, pavarësisht se në cilën komunë jetojnë. Ideja se disa serbë janë më të rëndësishëm se të tjerët sepse jetojnë në një komunë të caktuar është segregacion në mesin e komunitetit serb”, shkruan ky portal.
PërIndex nga Zagrebi , zgjidhja e Kurtit, bazuar në shembullin e Kroacisë, është në plan të parë.
“Kryeministri i Kosovës, Albin Kurti, ka refuzuar me vendosmëri draftin e parë të statutit të komunitetit të komunave me shumicë serbe në veri të Kosovës dhe ka propozuar një model të përdorur nga Kroacia për mbrojtjen e të drejtave të pakicës serbe. “Unë absolutisht nuk pajtohem me propozimin, përkundrazi kam propozuar një model të normalizimit që Serbia tashmë e ka me Republikën e Kroacisë”, shkruan Indeks.
Ata shkruajnë se pas takimit, Vuçiq ka deklaruar se Prishtina nuk dëshiron ta përmbushë obligimin e saj për formimin e ZSO-së, “si dhe se kryeministri i Kosovës hodhi poshtë propozimin e BE-së për tejkalimin e krizës pas zgjedhjeve në veri të Kosovës. të cilat u bojkotuan nga serbët”.
