Kreu i diplomacisë evropiane tha se sfida më e madhe për 12 muajt e ardhshëm do të ishte arritja e një paqeje të drejtë në Ukrainë, megjithëse nuk kishte ardhur ende koha për negociata me palën ruse.
“Tani nuk është koha për bisedime diplomatike për paqen. Ky është momenti i mbështetjes ushtarake në luftë.”
Javën e kaluar, Bashkimi Evropian njoftoi planet për të përdorur 500 milionë euro për të prodhuar municion për veten dhe Ukrainën. Një pjesë e parave do të vijnë nga fondet e zhvillimit të BE-së. Kievi do të marrë gjithashtu mbështetje të tjera, në periudha të ndryshme. Ndryshe, sipas Borrelit, trupat ruse së shpejti do të jenë në kufirin polak.
Sipas Borrell-it, Evropa duhet të bashkohet për të mbijetuar në skenën ndërkombëtare. Për ta bërë këtë, është jashtëzakonisht e rëndësishme të braktiset parimi i unanimitet në punët e jashtme, i cili u lejon vendeve anëtare individuale të BE-së të vënë veton ndaj vendimeve të unionit. Evropianët lindorë e përdorin shpesh këtë të drejtë, tha Borrell.
