Nata nga e hëna në të martë ishte fatale për një kryebashkiak polak 44-vjeçar, i cili ra nga kati i katërt i një hoteli në qendër të qytetit të Cagliarit në Sardenja dhe vdiq.
Agjencia Polake e Shtypit (PAP) raportoi për aksidentin, por as ajo dhe as policia lokale nuk e emëruan kryetarin e bashkisë. Burimet thanë vetëm se ai ndodhej në Itali për një sërë takimesh institucionale.
Siç raporton Dnevnik.hr, hetuesit kanë thënë se njeriu ka qenë i ulur në dritare dhe ka humbur ekuilibrin dhe konsiderohet se bëhet fjalë për një aksident. Nuk kishte shenja dhune.
Kryebashkiaku, i cili ishte në vizitë me delegacionin polak, është rrëzuar nga dritarja e dhomës ku ndodhej me një koleg, raporton PAP dhe rënia ka ndodhur rreth orës dy të mëngjesit, shkruan ANSA.
