Autoritetet greke arrestuan sot dhjetë persona të dyshuar për kontrabandë të lëndëve narkotike nga Amerika e Jugut në Evropë dhe sekuestruan 105 kilogramë kokainë, njoftoi policia.
Të dyshuarit, të cilët janë identifikuar si shtatë shtetas grekë dhe tre shqiptarë, u arrestuan pasi dyshohet se kishin hequr drogën nga pjesët e jashtme të zgavra të kontejnerëve të transportit, të cilat përmbanin banane.
Operacioni i arrestimit është kryer në koordinim me Administratën Amerikane të Ndjekjes së Drogës (DEA) në Selanik, ku sipas policisë droga është shkarkuar nga një anije tregtare pak ditë më parë, raporton AP.
Kokaina ishte fshehur në një ngarkesë me banane nga Ekuadori me destinacion Maqedoninë e Veriut, shtoi policia.
Policia greke thotë se është në kërkim të një personi tjetër./Kosovatimes/
