Një person hyri në një jetimore në Poloni dhe vrau një vajzë adoleshente dhe plagosi nëntë të tjerë në një sulm me thikë të martën mbrëma, tha policia në qytetin e Lodz.
Të martën në mbrëmje, policia mori informacion se një 19-vjeçar hyri në një jetimore në fshatin Tomislawice afër Lodz dhe sulmoi banorët me një objekt të mprehtë, tha zëdhënësja e policisë Aneta Sobieraj .
Dimë se lëndimet më të rënda i ka marrë një vajzë 16-vjeçare, banuese në atë shtëpi, e cila ka ndërruar jetë në vend, tha ajo.
Pesë persona janë shtruar në spital, por jeta e tyre nuk është në rrezik, tha Sobieraj.
Katër janë trajtuar në vendin e sulmit.
Sulmuesi u arrestua në shtëpinë e tij rreth një orë pas ngjarjes dhe nuk bëri rezistencë. Ai ka qenë esëll në momentin e arrestimit dhe policia e ka testuar edhe për drogë, tha Sobieraj.
Agjencia shtetërore e lajmeve PAP raportoi, pa cituar një burim, se sulmuesi ishte ish-i dashuri i vajzës. Ai ka hyrë në dhomën e saj nga dritarja, sipas PAP.
Në momentin e sulmit, në jetimore ndodheshin 13 persona, përfshirë një punonjës.
