Diplomati i lartë kinez Wang Yi dhe Këshilltari i Sigurisë Kombëtare i SHBA-së, Jake Sullivan zhvilluan “bisedime të sinqerta, domethënëse dhe konstruktive për çështjet dypalëshe”, tha sot një zëdhënës i ambasadës kineze në Vjenë.
Të dyja palët zhvilluan bisedime për heqjen e pengesave dhe stabilizimin e marrëdhënieve Kinë-SHBA, sipas një deklarate të lëshuar pas tetë orësh bisedime midis dy zyrtarëve, raporton Reuters.
Këshilltari i Sigurisë Kombëtare i Shtëpisë së Bardhë i ka paraqitur bashkëbiseduesit një listë të personave të ndaluar në Kinë.
Një zyrtar amerikan, i cili kërkoi anonimitetin, tha se Shtëpia e Bardhë shpresonte se bisedimet në Vjenë do të hapnin rrugën për një komunikim më të mirë midis dy vendeve.
