Presidenti i Serbisë, Aleksandar Vuçiq, gjatë fjalimit të sotëm deklaroi se nuk do të shkojë në samitin e vendeve anëtare të Këshillit të Evropës, i cili po mbahet në Islandë më 16 dhe 17 maj, dhe se vendimi që Serbia “ të përfaqësohet atje në nivelin më të ulët”, eshte marre me kryeministren Brnabiq dhe ministrin e Punëve të Jashtme Daçiq.
“Unë nuk do të shkoj në Rejkjavik dhe nuk do të votojmë për deklaratën e tyre, do të abstenojmë”, tha Vuçiq.
Rregulli është që krerët e shteteve dhe qeverive të marrin pjesë në Këshillin e Evropës.
“Ne jemi të gatshëm të mbështesim integritetin territorial të Ukrainës, Moldavisë dhe Gjeorgjisë, por nuk jemi të gatshëm të heqim dorë aq lehtë nga integriteti territorial i Serbisë, siç do të donin disa të tjerë në emrin tonë”, tha Vuçiq.
Kujtojmë se më 24 prill, Këshilli i Ministrave të Këshillit të Evropës vendosi që aplikimin e Kosovës për anëtarësim në këtë organizatë ta dorëzojë në Asamblenë Parlamentare, kështu që shqyrtimi i anëtarësimit të Kosovës në këtë organizatë ndërkombëtare ka hyrë në procedurë formale.
Pavarësisht pranimit verbal të propozimit evropian, ku thuhet qartë se “Serbia nuk do ta kundërshtojë anëtarësimin e Kosovës në asnjë organizatë ndërkombëtare”, si dhe aneksit për zbatimin e pranuar në Ohër, Beogradi në seancën e lartpërmendur votoi kundër aplikimit të Kosovës dhe vazhdon të që Prishtina të marrë një vend në Këshillin e Evropës.
