Ekipi nga Kosova në CS:GO, Bad News Eagles, e kanë humbur duelin e dytë në Majorin e Parisit në nivelin e Legjendave ku po garojnë.
Kësaj radhe “Shqiponjat” u mposhtën nga ekipi evropian Apeks, 16-6 në “Ancient”.
Pjesën e parë e fituan kundërshtarët me rezultatin 10-5, derisa kosovarët nuk arritën ta bëjnë përmbysjen në pjesën e dytë.
Pavarësisht disfatës, rigoN, SENER1, juanflatroo, sinnopsyy dhe gxx-, kanë ende gjasa të kualifikohen në nivelin e Kampionëve, në qoftëse nuk humbasin ndeshjet e radhës që janë eliminuese.
Tash, Bad News Eagles nga tri takimet e zhvilluara kanë dy humbje dhe një fitore.
