KPP “Gani Maloku” dhe KPP “Shpresa” kampionë të sezonit pranveror në ligën e parë të Kosovës në pingpong

Në shkollën ‘’Tefik Çanga’’ në Ferizaj, u organizua xhiro e fundit e ligës së parë në kuadër të kampionatit ekipor të Pingpongut të Kosovës për sezonin pranveror në ligën e meshkujve.

Ndeshjet filluan nga ora 10, dhe ashtu siç pritej u zhvilluan lojë mjaft interesante dhe me shumë konkurrencë, por në fund fitoret i shijuan klubet Llapusha, Gani Maloku, Hasan Prishtina dhe TTC Ferizaj.

Klubi i pingpongut Gani Maloku fitoj edhe ndeshjen e fundit për këtë sezonë, duke grumbulluar kështu 14 pikë dhe për tu shpallur kështu kampion për sezonin pranveror me shtatë fitore në shtatë ndeshje të luajtura. Ndërsa pas tyre me 12 pikë rënditet Kpp Hasan Prishtina me pesë fitore dhe dy humbje.

Sikur në Ferizaj, ashtu edhe në Peje u zhvilluan ndeshjet e xhiros fundit të  ligës së parë të kampionatit ekipor të femrave.

 Klubi Shpresa vazhdon serinë e fitoreve duke regjistruar shtatë fitore në shtatë ndeshje të luajtura, rezultate që e bëjnë atë kampione të sezonit pranveror në ligën e parë të femrave me gjithsej 14 pikë. Pas tyre, me 13 pikë rënditet Kpp Juniku me gjashtë fitore dhe një humbje.