Drejtori i Inter, Beppe Marotta, në një intervistë për mediumin Gazzetta dello Sport, ka bërë me dije se nuk dëshiron ta shesë Lautaro Martinez pavarësisht interesimit të shumë klubeve për të.
“Mendoj se Lautaro i plotëson kushtet që të jetë kapiteni jonë i ardhshëm. Skriniar tek PSG? Ne dëshironim që gjërat të shkonin në rrugën e duhur, por do të them për këtë diçka në fund të sezonit”, tha Marotta.
Një nga klubet që ka shprehur më së shumti interesim për Lautaro Martinez, është Manchester United, po dëshira e argjentinasit është që të qëndrojë tek Inter.
