Partia Republikane Popullore (CHP) e kandidatit për president të Turqisë, Kemal Kiliçdarogjlu, e ka akuzuar agjencinë shtetërore të lajmeve Anadolu për manipulim të të dhënave që i merr.
Faik Oztrak, zëdhënësi i CHP-së, ka thënë se partia e tij sheh një “pamje pozitive” në rezultatet e votimit.
“Agjencia Anadolu po bën manipulimin e saj tradicional për herë të fundit”, tha ai. “Rezulton se pjesëmarrja do të jetë në nivel rekord. Ne kërkojmë nga qytetarët tanë që të ndjekin deklaratat tona”, shtoi ai.
