Serbi Goran Koçiq, nga fshati Biti e Epërme e Shtërpcës është i zhdukur që dy ditë.
Për gjetjen e tij, policia ka kërkuar ndihmë nga qytetarët.
Organet e rendit e kanë publikuar një fotografi të Koçiq dhe të dhënat e tij.
Në këtë aksion është angazhuar edhe Forca e Sigurisë së Kosovës.
“Ai është i gjatë, 177 cm; Peshon, 65 kg; Sy kafe; Flokë të zeza; Kishte të veshura: xhaketë dhe gjinse të kaltërta dhe kishte të mbathura këpucë ngjyrë kafe”, thuhet në njoftim.
Policia Rajonale e Ferizajt ka marrë autorizimet nga prokurori i rastit nga Prokuroria Themelore në Ferizaj për publikim dhe kërkojmë bashkëpunimin e qytetarëve për gjetjen e tij .
Të gjithë ata që kanë informacione, që ndërlidhet me të, ta njoftoni menjëherë policinë, stacionin më të afërt të policisë, apo përmes numrit kujdestar 192 dhe aplikacionit digjital” Lajmëro Policinë”.
