Drejtoria e Inspekcionit – Komuna e Prishtinës sot ka liruar hapësirën publike në afërsi të stacionit të trenit në kryeqytet e cila shfrytëzohej ilegalisht nga shitës të materialeve të ndryshme ndërtimore.
Në përfundim të procesit të lirimit, hapësirat e liruara (rreth gjysme hektari) sot gjatë ditës i ka vizituar edhe kryetari i kryeqytetit, z. Perparim Rama.
Kryetari përgëzoi punën e Drejtorisë së Inspektoratit si dhe ofroi mbështetjen e tij të plotë për punën e jashtëzakonshme të inspektoratit.
Kjo hapësirë, në të ardhmen do të shndërrohet në një hapësirë të gjelbër dhe atraktive për banorët e kryeqytetit që jetojnë në atë zonë!. /Kosovatimes/
