Ka filluar vaksinimi nga ajri kundër sëmundjes se tërbimit së bashku me zyrtarë përgjegjës nga Agjencia e Ushqimit dhe Veterinës.
Gjatë këtij procesi 5 ditor do të shpërndahen rreth 250 mijë doza në formë karremi përmes së cilave kryhet imunizimi i kafshëve të egra.
Në vaksinim përfshihen të gjitha malet e brezit kufitar dhe të gjitha zonat malore brenda territorit të Republikës së Kosovës.
Kafshët e egra, kryesisht dhelprat konsiderohen si bartës kryesor të sëmundjes së tërbimit, e cila pastaj përmes kontaktit mundë të transmetohet edhe të qentë dhe njeriu. Kjo sëmundje e rrezikshme bartë pasoja fatale për shëndetin publik.
Bashkimi Evropian financon këtë proces në bazë të Iniciativës Rajonale të Kontrollit të sëmundjes se Tërbimit në tërë Ballkanin Perëndimor.
Vaksinat janë të sigurta dhe nuk paraqesin rrezik për shëndetin e njerëzve apo kafshëve bazuar në përshkrimin e prodhuesit të vaksinës.
Nëse i hasni në vendbanime, rekomandohet që ato të largohen duke përdorur doreza.
Nëse ndodh që të keni kontakt direkt me ndonjë vaksinë të hapur apo të dëmtuar vizitoni qendrën më të afërt shëndetësore.
Forma e vaksinës është tabletë me dimensione pak me të mëdha se ato që përdoren tek njerëzit.
Kjo është faza e fundit e vaksinimit nga ajri që financohet nga BE-ja përmes kësaj iniciative. /Kosovatimes/
