Të paktën tre persona u vranë dhe të tjerë u plagosën nga të shtënat në Farmington, në shtetin amerikan të New Mexico. Policia në Farmington, New Mexico, tha në Facebook se kishte viktima të shumta civile nga të shtënat, duke shtuar se një i dyshuar u “vra në vendngjarje”.
Dy policë u plagosën. Ata kanë marrë kujdes mjekësor dhe janë në gjendje stabile, thuhet në njoftim.
“Identiteti i të dyshuarit nuk dihet dhe nuk ka kërcënime të tjera të njohura për momentin”, tha policia.
Të shtënat u raportuan pak pas orës 11 të mëngjesit dhe të gjitha shkollat e qytetit u vendosën në atë që zyrtarët thanë se ishte një “bllokim paraprak”.
Tre shkolla aty pranë u mbyllën menjëherë.
Farmington është një qytet me afro 50,000 banorë në veriperëndim të New Mexico.
