Policia njofton se ka arrestuar një person të premten në Pejë.
Prangosja e tij është bërë rreth orës 11:45, nën dyshimin se e ka vrarë nga pakujdesia një punëtor të KEDS-it.
Ngjarja kishte ndodhur në muajin shkurt në fshatin Leshovë të kësaj komune.
Para katër muajsh, viktima u raportua se ka vdekur derisa ishte duke punuar në një terren të vështirë në Leshovë.
“Pas intervistimit, me vendim të prokurorit, i dyshuari është liruar në procedurë të rregullt”, shkruan në raportin e policisë.
