Prishtina ka shënuar fitore ndaj Drenicës me rezultat 4-1 në kuadër të xhiros së 35-të të Superligës së Kosovës.
Ndeshja nisi shumë mirë për bardhëekaltërit që shënuan në minutën e 11-të të ndeshjes me Leotrim Kryeziun për 1-0.
Pas dhjetë minutash Hasan Hyseni shënoi për rezultatin 2-0.
Por Drenica ngushtoi shifrat në minutën e 31-të, me golin e Besfort Dervishajt.
Edhe pjesën e dytë Prishtina e nisi më mirë duke shënuar për 3-1 me Endrit Krasniqin.
Në minutën e 85-të ishte radha e Albin Prapashticës që shënoi për 4-1.
Prishtina kthehet te fitorja pas pesë xhiros dhe aktualisht mban vendin e pestë me 48 pikë, ndërsa Drenica ka rënë nga elita para disa xhirosh.
