Me 21 maj 2003, Federata e Ping Pongut e Kosovës (FPPK) është pranuar me të drejta të plota në ITTF në Asamblenë Vjetore të mbajtur në Paris të Francës.
Kjo arritje historike, e cila krahas ndërkombëtarëzimit të sportit të pingpongut kosovar, hapi rrugë juridike ndërkombëtare për të gjitha sportet e Kosovës, duke shënuar një kthesë historike në ndërtimin e shtetit të Kosovës përmes sportit.
Delegacioni kosovar që sublimoi këtë arritje në Paris në maj të vitit 2003 ishte i prirë nga Kryetari, z. Sherafedin Zhitia, Sekretari i Pergjithshëm, z. Luan Berisha dhe Perzgjedhësi i Përfaqësueses, z. Nehat Çitaku, por ky sukses nuk ishte punë një ditore por një seri aktivitetesh e zhvilluar ndër vite në koordinim e mbështetje edhe me KOK e MKRS, duke dëshmuar në kontinuitet organizimin e pingpongut kosovar dhe duke fituar besimin e shumë miqve ndërkombëtare, të cilët FPPK do bën përpjekje për ti nderuar dhe lartësuar veprat e të gjithë të angazhuarve në një solemnitet te veçantë.
Për të revokuar kujtimet dhe shënuar këtë ditë të veçantë, në vijim do gjeni disa foto të delegacionit të FPPK në Paris në maj të vitit 2003, shkrimin e prezentuar ne Asamblenë e ITTF nga z. Luan Berisha të cilit iu mundesuan dy minuta ti drejtohet delegatëve të pranishëm nga 138 shtete të cilët më pas votuan dhe me 136 vota Për dhe 2 vota Kundër i mundesohet FPPK edhe formalisht të pranohet ne ITTF, si dhe një foto e takimit të kësaj jave të anëtarëve të delegacionit të Parisit, kryetarit aktual e miqve përkrahës.
FPPK është e përkushtuar që në bashkepunim të ngushtë me MKRS të sigurohen që kjo arritje historike dhe historiku i sportit te pingpongut kosovar të kurorëzohen poashtu në një monografi të dedikuar.
Urime… Gëzuar… 
/Kosovatimes/
/Kosovatimes/
