Ne e dimë se sa përpjekje po bën Perëndimi për të detyruar miqtë tanë serbë të heqin dorë nga bashkëpunimi me Rusinë. Presioni i ushtruar ndaj tyre është i paprecedentë, në kontekst historik nuk është parë, tha Zakharova duke komentuar takimin e presidentit të RS Milorad Dodik me presidentin rus Vladimir Putin.
Sipas saj, përdoret i gjithë spektri i shantazheve, sanksioneve, kërcënimeve, të gjitha në përputhje me traditat më të këqija evropiane.
Duke pasur parasysh këtë, Moska vlerëson edhe më shumë politikën e pavarur të Republikës Srpska dhe zgjedhjen e saj parimore në drejtim të bashkëpunimit me Rusinë, e cila gjithnjë e më shumë po merr karakterin e një partneriteti strategjik, theksoi Zakharova.
Zhvillimi i mëtutjeshëm i marrëdhënieve është plotësisht në përputhje me interesat e popujve tanë dhe nuk është i drejtuar kundër askujt, tha ajo dhe shtoi se aspiratat e njerëzve me qëllim të keq për ta dëmtuar atë nuk kanë perspektivë.
