Chris Murphy, senator amerikan, ka folur për zhvillimet e fundit në veri të Kosovës.
Murphy qëndroi gjatë ditës së hënë për vizitë zyrtare në Kosovë. Por sot ai u shpreh se është befasuar nga aksioni i institucioneve të Kosovës, për t’ua mundësuar hyrjen në komunat veriore, katër kryetarëve që u betuan dje.
“Në takimin tim të hënën në Prishtinë me kryeministrin Kurti, ai nuk përmendi një plan për qasje në ndërtesat komunale. Si mik i Kosovës jam kapur totalisht në befasi dhe duhet t’i japë fund këtij provokimi menjëherë”, shkroi Murphy.
Për këtë arsye, ai tregoi se ka zhvilluar një bisedë telefonike me Derek Chollet, teksa shtoi se në takimin me kryeministrin Albin Kurti, ai nuk ia ka përmendur se do ketë një plan për veprime të tilla.
“Sapo zhvillova një bisedë telefonike me këshilltarin e lartë amerikan Derek Chollet për zhvillimin problematik”, tha ai.
