Të dielën, venecianët u zgjuan me një pamje të pazakontë – uji në kanalet qendrore të qytetit u bë i gjelbër.
Autoritetet lokale kanë hapur një hetim urgjent dhe po mbledhin mostra uji.
Vazhdojnë spekulimet se çfarë bëri që uji nën urën e famshme të Rialtos të ndryshojë ngjyrë.
Teoritë variojnë nga rrjedhjet e bojës deri te protestat e aktivistëve mjedisorë.
Mediat italiane raportojnë se policia lokale po shqyrton kamerat e sigurisë për të përcaktuar nëse dikush e kishte planifikuar këtë gjatë garës së madhe të fundjavës.
Shumë përdorues të rrjeteve sociale thonë se këto imazhe u kujtojnë atyre veprimin e artistit argjentinas Nicolás García Uriburu në vitin 1968, kur ai lyente ujin e Kanalit të Madh në të gjelbër për të tërhequr vëmendjen ndaj problemeve mjedisore.
